Normas SaudArte 2018
Non hai seleccións, non hai xurados. Todos os traballos recibidos se aceptan e se expoñen, sen limitacións.
Rexeitaranse as obras que conteñan elementos contra o artigo 1 da Declaración Universal dos Dereitos Humanos: “Toda persoa ten os dereitos e liberdades proclamados nesta Declaración, sen distinción algunha de raza, cor, sexo, idioma, relixión, opinión política ou de calquera outra índole, orixe nacional ou social, posición económica, nacemento ou calquera outra condición”.
As obras non serán devoltas. Quedarán en poder da organización, para posteriores exposicións, estudos e traballos de investigación.
A propiedade intelectual é das autoras e autores das obras; o dereito de reprodución e copia (copyright) (©) é das persoas autoras, da organización e da Universidade de Vigo.
A organización non se fai responsable das posibles perdas ou deterioracións dos orixinais, nin das tardanzas ou calquera outra circunstancia imputable a terceiros, que poida afectar os envíos das obras participantes.
A organización está facultada para resolver toda cuestión da súa competencia que non quede establecida de maneira explícita nestas bases.
